တာမွေမြို့နယ်၊ ကျိုက္ကဆံယာဉ်အပိုပစ္စည်းရောင်းဝယ်ရေးစခန်းရှိ အသင်းဝင်များ နှင့် သွားရောက်တွေ့ဆုံခြင်း။

၁၁-၂-၂၀၂၅ ခုနှစ် (အင်္ဂါနေ့) နံနက် (၀၉:၃၀) မိနစ်အချိန်တွင် ရန်ကုန်တိုင်းဒေသကြီးမော်တော်ယာဉ်အပိုပစ္စည်းလုပ်ငန်းရှင်များအသင်း YACSAA မှ ဥက္ကဌ နှင့်တကွဒုဥက္ကဌများ၊ အလုပ်အမှုဆောင်များသည် တာမွေမြို့နယ် ၊ ကျိုက္ကဆံယာဉ်အပိုပစ္စည်းရောင်းဝယ်ရေးစခန်းသို့ သွားရောက်ပြီး တာမွေဈေးရှိ အသင်းသူ/အသင်းများနဲ့ပိုမိုရင်းနှီးမှုရရှိစေရန်သွားရောက်တွေ့ဆုံခဲ့ပါသည်။

ဥက္ကဋ္ဌမှ တက်ရောက်လာကြသော အသင်းဝင်များအား နှုတ်ခွန်းဆက်စကားပြောကြားခြင်း။

တက်ရောက်လာကြသော စီးပွားရေးလုပ်ငန်းရှင် အသင်းဝင်များ နှင့် အသင်းမှ အလုပ်အမှုဆောင်များအား ရင်းရင်းနှီးနှီးအပြန်အလှန်မိတ်ဆက်ခြင်း။

ဥက္ကဋ္ဌမှ တက်ရောက်လာကြသော အသင်းဝင်များ၏ သဘောထားမှတ်ချက်များအားတောင်းခံခြင်း၊ အကြံပြုချက်များရှိပါက အသင်းအားလိပ်မှုပြီး ပို့ပေးရန်နှင့် မိမိတို့ပို့ပေးလာသော အကြံပြုစာများအား အိတ်ပိတ်လျှက် အလုပ်အမှုဆောင်များ လစဉ်ပုံမှန်လုပ်ငန်းညှိနှိုင်းအစည်းအဝေးတွင် တင်ပြပေးသွားမည်ဖြစ်ကြောင်း။

Personal / Ordinary Member အသင်းဝင်များအနေဖြင့် Associated Member သို့ တိုးမ​ြှင့်ရန် ကိစ္စအားဆွေးနွေးခြင်း။

တာမွေဈေးအတွင်း ညဖက်မီးတိုင်များ မီးလင်းရေးအတွက် Toyo Battery – L 100 အိုးရှည် (၁) လုံးလှူဒါန်းခြင်း။

၁၅-၂-၂၀၂၅ ခုနှစ် (စနေနေ့) တွင် မန္တလေးတိုင်းဒေသကြီးမော်တော်ယာဉ်အပိုပစ္စည်းလုပ်ငန်းရှင်များအသင်း – MACSAA မှ ကြီးမှူးကျင်းပပြုလုပ်သွားမည့် Friendship Golf Tournament ပွဲအားတက်ရောက်ရန် ဖိတ်ခေါ်ခြင်း။

တက်ရောက်လာကြသည့် စီးပွားရေးလုပ်ငန်းရှင် အသင်းဝင်များ နှင့် ဧည်သည့်တော်များ ၊ ရန်ကုန်တိုင်းအသင်းဥက္ကဌ နှင့် အလုပ်အမှုဆောင်တို့သည် အထွေထွေကိစ္စရပ်များအား ဆွေးနွေးပြီး အခမ်းအနားအား နေ့လည် ၁၂ နာရီအချိန်တွင် အောင်မြင်စွာရုပ်သိမ်းခဲ့ပါသည်။